Хаби Алонсо «Челсидің» жаңа тактикалық философиясын түсіндірді

Испаниялық маман негізгі жүйенің икемділігі мен болжап болмайтын сипаты алдағы маусымда «көктердің» табысқа жетуіндегі басты кілт екенін баса айтты.

«Біз өз тәсіліміз бен жүйемізде икемді әрі әмбебап болғымыз келеді. Сапымызда әртүрлі тактикаға бейімделе алатын футболшылар бар, өйткені олар алаңда бір-бірін қалай қолдау керектігін жақсы түсінеді. Ойын қағидалары өзгеріссіз қалады, бірақ қозғалыстар құбылып тұруы тиіс. Біздің әрекеттерімізді қарсылас алдын ала болжай алмауы қажет, ал шабуылдарымыз үнемі қауіп төндіріп тұруы керек.

Бастапқы тактикалық схема — бұл тек қатып қалған сурет. Оған жан бітіру үшін команда үнемі қозғалыста болып, позицияларын ауыстырып, динамика құруы тиіс. Суреттің киноға айналатын сәті дәл осы. Біз тек бір идеяға байланып қалғымыз келмейді: опцияларымыз неғұрлым көп болса, команда ретінде де соғұрлым күштірек бола түсеміз.

Премьер-лига маусымы басталғанша біз толық дайын боламыз. Бірақ тіпті алғашқы турдың өзі команда эволюциясындағы кезекті кезең ғана болмақ. Бұл – айларға созылатын және әр ойында жалғасатын процесс», – деді Алонсо.

«Миланды» 3:0 есебімен жеңу лондондықтарға көрмелік Indonesia Super Cup 2026 кубогын алып келді. Ойында бразилиялық Жоао Педро дубль авторы атанса (жазда 5 гол соғып үлгерді), тағы бір голды Мойзес Кайседо әуелеп келген допты әдемі соққымен торға бағыттап соқты.

Джакартадағы кездесу «көктердің» Австралия мен Азиядағы маусымалды турнесі аясындағы соңғының алдындағы ойыны болды. Турнедегі соңғы кездесуін «Челси» бүгін, 9 тамыз күні Малайзияда жергілікті «Джохор Дарул Тазим» клубына қарсы өткізеді.

«Миланға» қарсы ойынның өтініміне 17 жастағы қазақстандық шабуылшы Дастан Сәтпаев та енгізілді, дегенмен ол Джакартада алаңға шыққан жоқ. Форвард негізгі құраммен бірге толыққанды оқу-жаттығу жиынын өткізіп жатыр және «Уэстерн Сидней Уондерерс» қақпасына өз алаңынан жеке өтіп соққан әдемі голымен көзге түсіп үлгерді. Бұл соққы Sydney Super Cup турнирінің үздік голы болып танылған еді. Сәтпаев 12 тамызда – кәмелет жасына толған күні лондондықтармен ресми түрде толыққанды келісімшартқа отырады.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.