Месси әлем чемпионатының финалы алдында маңызды мәлімдеме жасады

«Осы жылдар ішінде мен үшін ең қымбат дүние – жеңіп алған жүлделер ғана емес, бәріміз бірге жүріп өткен жол болды. Әрбір жаттығу, әрбір ойын, қиын сәттер мен қуанышты күндер осы ұжымды бүгінгідей біртұтас отбасыға айналдырды. Әріптестеріме, бапкерлер штабына және ұлттық құраманың табысы үшін күн сайын еңбек етіп жүрген жандардың бәріне алғысымды білдіремін. Ертеңгі матч қалай аяқталса да, бұл команда өз есімін тарихқа алтын әріппен жазып үлгерді. Мұны ешкім бізден тартып ала алмайды. Алға, Аргентина!» – деп жазды Месси Instagram парақшасында.

20 шілдеге қараған түні Нью-Йоркте Аргентина мен Испания 2026 жылғы әлем чемпионатының финалында кездеседі. Матч Астана уақытымен 00:00-де басталады.

Финалға дейін Аргентина құрамасы Кабо-Вердені (3:2), Мысырды (3:2), Швейцарияны (3:1) және Англияны (2:1) жеңіп шықты. Ал Испания Аустрияны (3:0), Португалияны (1:0), Бельгияны (2:1) және Францияны (2:0) ұтып, шешуші кездесуге жолдама алды.

Бұған дейін Аргентина құрамасының бас бапкері Лионель Скалони финал алдында футболшыларын сабыр сақтауға шақырып, бұл кездесуді ерекше қысым емес, кезекті ойын ретінде қабылдау керектігін айтқан еді

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.