2026 жылғы әлем чемпионатына қатысқан Джейден Адамс 25 жасында өмірден өтті

Футболшының қайтыс болу себебі әзірге жарияланған жоқ.

Бұл қайғылы хабарды Адамстың отбасы атынан оның бұрынғы бапкері Брендин Джонсон жеткізді. Оның айтуынша, жақындары ауыр қайғыны бастан өткеріп жатыр және олардың жеке өміріне құрметпен қарауды сұрады.

«Мен онымен бейсенбі күні сөйлестім. Ол әлем чемпионатынан кейін үйіне оралғанына қуанып, болашаққа жоспар құрып жүрген еді. Мұндай жағдай болады деп ешкім ойлаған жоқ. Бұл бәріміз үшін орны толмас қаза», – деді Джонсон.

Джейден Адамс жақында ғана 2026 жылғы әлем чемпионатынан оралған болатын. Турнирде ол Мексика, Чехия және Оңтүстік Кореяға қарсы топтық кезеңнің үш матчына қатысты. Оңтүстік Африка құрамасы 1/16 финалға дейін жетіп, онда Канададан 0:1 есебімен жеңілді. Әлем чемпионатында Адамс нәтижелі әрекеттерімен көзге түсе алмады.

Өткен маусым футболшы үшін табысты өтті. Ол «Мамелоди Сандаунс» сапында Африка чемпиондар лигасының жеңімпазы атанған еді.

Қазіргі уақытта Джейден Адамстың қайтыс болуына қатысты өзге мәліметтер жарияланған жоқ.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.